Almenna verkfræðistofan annast ásamt samstarfsaðilum framkvæmdaeftirlit með stöðvarhúsi Kárahnjúkavirkjunar fyrir Landsvirkjun undir merkjum KSJV. Verkið hófst á  haustdögum 2003. Greftri á göngum og hellum lauk haustið 2004 og var stöðvarhúsinu skilað tilbúnu fyrir niðursetningu véla í áföngum, þeim síðasta í ágúst 2006.
Nú í haust eftir að allar vélar hafa verið settar niður hefur verið unnið að lokafrágangi á stöðvarhúsinu og verður honum lokið um n.k. áramót. Undanfarna mánuði hafa vélar virkjunarinnar verið prófaðar ein af annari. Endanlegar prófanir á vélum fara fram þegar vatni verður hleypt úr Hálslóni í lok október.
Frá því að verkið hófst hafa alls 12 starfsmenn AV verið við störf á verkstað um lengri eða skemmri tíma. Viðfangsefnin hafa verið mörg og margbreytileg eða allt frá túnrækt til túrbína.