Í framhaldi af vel heppnuðum morgunfundi Matsdeildar sl. vor fékk deildin Tölvu- og verkfræðiþjónustuna til þess að útbúa hugbúnað sem les inn verðlista frá um 30 birgjum. Þeir Auðunn Elíson, byggingafræðingur, Freyr Jóhannesson, matsstjóri, og Ásgeir Ólafsson, orkutæknifræðingur, hafa haft veg og vanda af þessu verkefni sem tekist hefur með glæsibrag. Nú þegar hafa fjórir aðilar keypt áskrift að frumþáttaskránni.