Mikil uppbygging hefur verið á Akranesi og nágrenni að undanförnu. Skrifstofa Almennu verkfræðistofunnar hf. á Akranesi hefur tekið fullan þátt í þeirri uppbyggingu og sinnt eftirliti með gatnagerð og öllum veitulögnum í nýjum íbúðar- og iðnaðarhverfum síðustu árin.

Um þessar mundir sinna starfsmenn skrifstofunnar þremur stórum eftirlits-verkefnum undir stjórn Lúðvíks Davíðs Björnssonar.  Heildar verktakakostnaður við þessi þrjú verk er 360 mkr. Verkefnin eru:

1. Skógarhverfi 1. áfangi: Blönduð íbúðabyggð, 272 íbúðir-sérbýlishúsalóðir til helminga. Áætluð verklok eru 15. febrúar 2007. Verktakakostnaður er 190 mkr. og helstu magntölur eru:
 • Gröftur  65.000 m3
 • Fylling   79.000 m3
 • Lagnir  46.000 m
2. Smiðjuvellir: Iðnaðar og þjónustu-hverfi. Áætluð verklok eru 30. janúar 2007. Verktakakostnaður er 75 mkr. og helstu magntölur eru:
 • Gröftur  19.000 m3
 • Fylling   21.000 m3
 • Lagnir    8.000 m
3. Krossland 1. áfangi: Blönduð íbúða-byggð, 124 íbúðir - Áætluð verklok eru 30. janúar 2007. Verktakakostnaður er 95 mkr og helstu magntölur eru:
 • Gröftur  24.000 m3
 • Fylling  30.000 m3
 • Lagnir 15.000 m

Ljóst er að áframhald verður á
uppbyggingu og hafa verkkaupar þegar
farið þess á leit við Akranes skrifstofu að starfsmenn þess sinni verkeftirliti í næstu áföngum.